சிறுபான்மை அமைச்சரின் பெருபான்மை புளுகு!

 

           இந்தியாவில் என்.டி.ஏ. அரசாங்கத்தின் கீழ் "கடந்த ஏழு-எட்டு ஆண்டுகளில் பெரிய வகுப்புவாத வன்முறைச் சம்பவங்கள் எதுவும் நடைபெறவில்லை" என்று அப்பட்டமான பொய்யை மத்திய சிறுபான்மை யினர் விவகார அமைச்சர் முக்தார் அப்பாஸ் நக்வி, ஏப்ரல் 28, 2022 அன்று, இந்தியாவிற்கு வருகை தந்த ஐரோப்பிய ஒன்றியக் குழுவிடம் கூறினார். 

         "சில தனிமைப்படுத்தப்பட்ட சம்பவங்கள் நடந்துள்ளன, இவற்றில் மோடி அரசாங்கம் மதம், சாதி அல்லது சமூகம் ஆகியவற்றைக் கருத்தில் கொள்ளா மல், குற்றவாளிகளுக்கு எதிராக வலுவான மற்றும் பயனுள்ள நடவடிக்கை எடுத்துள்ளது," என்று அவர் மேற்கோள் காட்டினார். 

        இந்தியாவின் மனித உரிமைகள் நிலைமை குறித்து ஐரோப்பிய ஒன்றியத்தின் மனித உரிமைகளுக்கான சிறப்புப் பிரதிநிதி எமன் கில்மோர் அடங்கிய ஆறு பேர் கொண்ட குழுவுடனான கலந்துரையாடலின் போது அவர் இவ்வாறு கூறினார்.

           இந்தியாவில் சிறுபான்மையினருக்கு எதிராக அதிகரித்து வரும் வன்முறைகள் குறித்து பிரதமர் மோடிக்கு ஏப்ரல் 26, 2022 அன்று 108 முன்னாள் உயர் அதிகாரிகள் எழுதிய கடிதம் குறித்து ஐரோப்பிய ஒன்றியத்தின் மனித உரிமைகளுக்கான பிரதிநிதிகள் குழு கவலை தெரிவித்ததை அடுத்து நக்வியின் பதில் வந்தது. உயர் அதிகாரிகள் எழுதிய கடிதத்தில் , முஸ்லிம் சமூகத்தினருக்கு சொந்தமான "சட்டவிரோத கட்டிடங்களை" இடிப்பதற்காக ஆளும் கட்சி சமீபத்தில் நடத்திய இடிப்பு விவகாரங்களை அந்த குறிப்பிட் டுள்ளது.

கீழ்கண்டவை கலவரம் இல்லாமல் வேறு என்ன நக்வி அவர்களே?

         நக்வியின் கூற்று பொய்யானது. 2020 பிப்ரவரி 23-26 தேதிகளில் வடகிழக்கு டெல்லியில் குடியுரிமை திருத்தச் சட்டத்தின் (CAA) ஆதரவாளர்களுக்கும் சட்டத்தை எதிர்ப்பவர்களுக்கும் இடையே வெடித்த கலவரம் ஒரு "பெரிய" வகுப்புவாத வன்முறையின் முதல் உதாரணம். இந்த வன்முறையில் 52 பேர் உயிரிழந்தனர் 545 பேர் காயமடைந்தனர். (மார்ச் 18, 2020 ராஜ்யசபா பதில்)

             மற்றொரு கலவரத்தின் போது ஆறு பேர் மீது ஆசிட் வீசினர். இரண்டு வழக்குகள் பதிவு செய்யப்பட்டுள்ளதாக டெல்லி காவல்துறை தெரிவித் துள்ளது. (டிசம்பர் 2021 ராஜ்யசபா பதில்),

             இந்தக் கலவரத்தில் மொத்தத்தில், 755 எஃப்ஐஆர்கள் பதிவு செய்யப்பட்டுள்ளன.அவற்றில் 62 கொடூரமான வழக்குகள் குற்றப்பிரிவில் சிறப்பு புலனாய்வுக் குழுக்கள் (எஸ்ஐடி) விசாரித்தன.ஒரு வழக்கை சிறப்புப் பிரிவு விசாரித்தபோது கலவரத்தின் பின்னணியில் உள்ள குற்றச் சதியை வெளிக்கொணர, மீதமுள்ள 692 வழக்குகள் விசாரிக்கவேண்டிய தேவை ஏற்பட்டு விசாரிக்கப்பட்டன. டெல்லி வடகிழக்கு மாவட்டத்தால். 1,829 பேர் கைது செய்யப்பட்டுள்ளனர் மற்றும் 353 வழக்குகளில் குற்றப்பத்திரிகைகள் விசாரணைக்கு சமர்ப்பிக்கப்பட்டுள்ளன என்று உள்துறை அமைச்சகத்தின் முன்னாள் இணை அமைச்சர் கிஷன் ரெட்டி மார்ச் 10, 2021 அன்று ராஜ்யசபாவில் தெரிவித்தார்.

           ஆகஸ்ட் 12, 2020 அன்று, முஹம்மது நபியை இழிவுபடுத்தும்  வலைதளபதிவுக்காக வடகிழக்கு பெங்களூரில் வன்முறை மோதல்கள் வெடித்தன. வன்முறையில் 3 பேர் உயிரிழந்தனர் மற்றும் 60க்கும் மேற்பட்டோர் காயமடைந்தனர். 

            நகரில் இரண்டு காவல் நிலையங்கள் இந்த கும்பல் வன்முறைக்கு இலக்காகின. பல ஊடகவியலாளர்களும் காயமடைந்தனர், சிலருக்கு மருத்துவமனையில் அனுமதியும் தேவைப்பட்டது. சிலர் கலவர கும்பலின் கோபத்தை எதிர்கொண்டாலும், மற்றவர்கள் கலவரம் போன்ற சூழ்நிலையைப் படமெடுக்கும் போது காவல்துறையினரால் தாக்கப்பட்டனர் என்று தி நியூஸ் மினிட் தெரிவித்துள்ளது.

            சமீபத்தில், ஏப்ரல் 2022 இல் ராம நவமி மற்றும் அனுமன் ஜெயந்தி ஊர்வலங்களின் போது பல மாநிலங்களில் இந்துக்கள் மற்றும் முஸ்லிம்களின் பிரிவுகளுக்கு இடையே வகுப்புவாத வன்முறை வெடித்தது, இதில் இரண்டு பேர் கொல்லப்பட்டனர் மற்றும் பலர் காயமடைந்தனர்.

           இந்திய தண்டனைச் சட்டத்தின் பிரிவு 147 முதல் 151 வரை பதிவு செய்யப்பட்ட கலவர வழக்குகளை சேகரித்து பராமரிக்கும் தேசிய குற்ற ஆவணக் காப்பகம், 2014 மற்றும் 2020 க்கு இடையில் 5,415 வகுப்புவாத கலவரங்கள் பதிவாகியுள்ளதாகக் காட்டுகிறது.

          வகுப்புவாத வன்முறை தொடர்பான இறப்புகளைப் பொறுத்தவரை, 2014 மற்றும் 2017 க்கு இடையில் 389 பேர் கொல்லப்பட்டுள்ளனர் மற்றும் 8,890 பேர் காயமடைந்துள்ளனர் என்று மத்திய உள்துறை அமைச்சகம் லோக்சபாவில்  அதிகாரபூர்வமாக தெரிவித்துள்ளது.(பிப்ரவரி 6, 2018 மற்றும் பிப்ரவரி 7, 2017.) 

       இருப்பினும், என்சிஆர்பி வகுப்புவாத சம்பவங்களில் பாதிக்கப் பட்டவர்களின் மொத்த எண்ணிக்கை குறித்த தரவுகளை பதிவு செய்கிறது. கடந்த ஆறு ஆண்டுகளில், 2015 மற்றும் 2020 க்கு இடையில், 5,875 பேர் வகுப்புவாத சம்பவங்களுக்கு பலியாகி உள்ளனர்.  இந்த எண்ணிக்கை கடந்த ஆண்டு(2020)  79.5% அதிகரித்துள்ளது.

     2020 ஆம் ஆண்டில் 520 சம்பவங்களுடன், இந்தியாவில் அதிக எண்ணிக்கை யிலான வகுப்புவாத கலவரங்களை டெல்லி கண்டுள்ளது, அதைத் தொடர்ந்து பீகார் (117), ஹரியானா (51) மற்றும் ஜார்கண்ட் (51) உள்ளன.

       மேற்கண்டவை அனைத்தும் நமது ஒன்றிய அரசின் சிறுபான்மை விவகார அமைச்சர் நக்வி அவர்களுக்கு கலவரமாகவோ மக்களின் உயிராக தெரியவில்லையோ?

அ.பாக்கியம்

.