*புத்தகம் வெளியீடு:*
காப்பீட்டுக் கழக ஊழியர் சங்கம்,
சென்னைக் கோட்டம் இரண்டின் மாநாட்டில்...
*"நானே மகத்தானவன்"*
என்கிற நான் எழுதிய புத்தகத்தை வெளியீடு
செய்தமைக்குநன்றிகள்.
அகில இந்திய இன்சூரன்ஸ் ஊழியர் சங்கத்தின்
துணைத் தலைவர் *G.ஆனந்த்* அவர்கள் நூலை வெளியிட்டு உரையாற்றினார்.
இந்நிகழ்வில், சங்கத்தின் தலைவர் *K.மனோகரன்,* பொதுச்செயலாளர் *R.சர்வமங்களா* ஆகியோர் உடனிருந்தனர்!
*50 புத்தகம், மாநாட்டில்
பங்கேற்ற பிரதிநிதிகளுக்கு வழங்கப்பட்டது!*
அ.பாக்கியம்.
சரசரவென சத்தம் கேட்டது. அரவமோ என துணுக்குற்றான் கட்டேறி. அரவம் என்றாலும் தூக்கி வீசும் துணிச்சல் உள்ளவன் தான். ஒரு வேளை சக பனையேறும் தொழிலாளியாகவும் இருக்கக்கூடும்.
ரெண்டு மரம் ஏறி இறங்கி இரண்டு பானைகளை நிரப்பி விட்டான். கட்டேறி அடுத்த மரத்தில் ஏறி நிற்கும்போது அந்த சத்தம் கேட்டது. தாழி பானைக்குள் கலகலவென பதநி குடிக்கும் சத்தமும் பானை உருளும் சத்தமும்.
வா.. வா.. பல நாள் கள்ளன் ஒருநாள் பிடிபட்டியா என்று முணுமுணுத்த படி கையில் இருந்த கூறிய அரிவாளை பானைகள் மறுபுறம் மறைத்த செடி புதர்களின் மீது குறி தவறாமல் வீசினான் கட்டேறி. இருள் சூழ்ந்த நேரத்தில் கண்ணுக்கு ஏதும் தெரியவில்லை. அரிவால் எதிலோ பாயும் சத்தம் கேட்டது. "அம்மே". என்ற பிஞ்சு குறளின் அலறலும் கேட்டது விரைந்து ஓடினான்.. அங்கே அவன் கண்ட காட்சியில் நெஞ்சே வெடித்து வெளிவரும் போல் ஆகிவிட்டது
நாயோ நரியோ ஆடோ மாடோ என நினைத்த இடத்தில் அவன் செல்வமகள் தலையில் அரிவாள் பாய்ந்து ரத்தம் பீறிட்டு பாய்ந்தது.
அடிவயிறு கலங்க மண்டையைக் காட்டுமா, மண்டைய காட்டமா, என அலறினான் கட்டேறி.
ஆனால் ரத்தம் பாய்ந்ததில் உயிரிழந்த பொன்னம்மைக்கு அவன் குரல் கேட்கவில்லை....
புத்தகத்தின் முதல் பக்கம் இப்படித்தான் துவங்குகிறது
மண்டைக்காட்டு அம்மனின் வரலாற்றை திரிபுகளில் இருந்து வெளிக்கொண்டு வந்துள்ளார்.. குமரி மாவட்டத்தில் இருந்த நாட்டார் தெய்வங்களை எப்படி பெருந்தெய்வ வழிபாட்டு முறைக்குள் இழுப்பதற்கு வகுப்பு சக்திகள் செயல்பட்டார்கள் என்பதையும் இந்த வரலாற்றுடன் இணைத்தே தெரிவித்துள்ளார்.
மண்டைக்காடு அம்மனுக்கு அனைத்து விதமான அசைவ உணவுகளும் படைக்கப்பட்டன. ஆடு, கோழி, வாத்து, மீன் அனைத்தும் படைக்கப்பட்ட பட்டியலை காரணத்தோடு எழுதியுள்ளார்
பெரும்பாலும் கிறிஸ்தவர்களாக இருக்கக்கூடிய மீனவ மக்களும், அதற்கு அடுத்த குடியிருக்க கூடிய இந்து மக்களும், கேரளாவின் கொல்லம் மாவட்டத்திலிருந்து வரக்கூடிய கேரள மக்களும், இஸ்லாமியர்களும் ஒன்று கூடி அம்மனை வழிபட்டு வந்த பல நிகழ்வுகளை கண் முன்னிறுத்துகிறார்.
அதைவிட குறிப்பிட்டுச் சொல்ல வேண்டியது பத்து நாட்கள் நடைபெறும் அம்மன் கோவில் கொடை திருவிழா எப்படி நடைபெறுகிறது என்பதையும், ஒவ்வொரு நாள் நடைபெறும் பூஜைகளைப் பற்றியும், அனைத்து மதத்தைச் சேர்ந்தவர்களும் வழிபாட்டிற்கு வருவதும், பத்து நாட்கள் பண ஓலை குடிசை போட்டு தங்குவதையும், திருவிழா காலங்களில் சாலையோரங்களில் இருக்கக்கூடிய கடைகளும், கடைகளில் இருக்கக்கூடிய விற்பனைப் பொருட்களைப் பற்றியும், குழந்தைகளுக்கான ஜவ்வு மிட்டாய் ஆரம்பித்து ஆட்டம் பாட்டம் வரை அவர் எழுதியிருப்பது சிறு குழந்தைகளாக இருந்த பொழுது விழாக்களில் கலந்து கொண்ட நினைவுகளை உசுப்பி விடுகிறது.
மண்டைக்காட்டில் ஆர் எஸ் எஸ் காரர்கள் எப்படி உள்ளே நுழைந்தார்கள் அதைச் சுற்றி நடந்த திட்டமிடல்களும் ஏற்பட்ட மோதல்களும் பற்றியும் துல்லியமாக நிகழ்வுகளை எடுத்துரைக்கிறார். தோழர் முருகேசன் மண்டைக்காடு அம்மனின் பக்தனாக சிறுவயதில் இருந்ததும், பக்கத்து கிராமம் அவருடைய வாழ்விடம் என்பதாலும் அனைத்தையும் கண் முன் காட்சிப்படுத்துகிறார்.
கலவரத்திற்கு பிறகு ஏற்படுத்தப்பட்ட அமைதி குழுவில் குன்றக்குடி அடிகளார் , மார்க்சிஸ்ட் கட்சியின் தலைவர்கள் ஹேமச்சந்திரன், மணி போன்றவர்கள் அமைதியை நிலைநாட்ட எடுத்த முயற்சிகளையும் துல்லியமாக குறிப்பிட்டுள்ளார்.
அன்றைய அதிமுக அரசு விசாரணை கமிஷன் அமைத்ததும், வேணுகோபால் தலைமையிலான விசாரணை அறிக்கையில் ஆர்எஸ்எஸ் இன் திட்டமிட்ட செயல்களை அம்பலப்படுத்தியதையும் எழுதியுள்ளார்.
கன்னியாகுமரி மாவட்டத்தில் ஆர் எஸ் எஸ் எவ்வாறு பொய் பிரச்சாரங்களை கட்டமைத்தார்கள் என்பதையும் கச்சிதமாக அம்பலப்படுத்தி உள்ளார்.
தோழர் முருகேசன் இந்திய ஜனநாயக வாலிபர் சங்கத்தின் ஆரம்பகால உறுப்பினராக துவங்கி அதன் மாவட்ட செயலாளர் ஆக பல ஆண்டு காலமும், மாவட்ட தலைவராக பல ஆண்டுகள் பணியாற்றியுள்ளார். அதன் பிறகு மார்க்சிஸ்ட் கம்யூனிஸ்ட் கட்சியின் கன்னியாகுமரி மாவட்ட செயலாளர் மூன்று முறை பணி புரிந்திருக்கிறார்.
தோழர் முருகேசனம் , தோழர் தோழர்.செல்லசுவாமி இருவரும் மாவட்ட தலைவர் செயலாளராக இருந்த காலத்தில் கன்னியாகுமரி மாவட்டத்தில் வாலிபர் சங்கம் எழுச்சி பெற்ற காலமாக இருந்தது. குறும்பனை போராட்டம், கடற்கரை கிராமங்களில் வாலிபர் சங்க விரிவாக்கம், வகுப்புவாத சக்திகளுக்கு எதிராக வாலிபர் சங்கத்தின் செயல்பாடு, உள்ளூர் மக்களின் கோரிக்கைகளுக்கான இயக்கம் என்று தொடர்ந்து போராட்டங்கள் என போராட்ட அலை வீசிக்கொண்டு இருந்தது, வாலிபர் சங்கத்தின் போராட்டங்களிலும் மாவட்ட மாநாடுகளிலும் ஆயிரக்கணக்கில் இளைஞர்கள் கலந்து கொண்டார்கள். மாநிலத் தலைவர் என்ற முறையில் அடிக்கடி குமரி மாவட்டத்திற்கு சென்று கிராமங்கள்தோறும் பிரச்சாரங்களில் ஈடுபட்டு இருக்கிறேன். அரசியல் விழிப்புணர்வு மிக்க மாவட்டமாக அந்த மாவட்டம் இருந்தது என்பதை அப்போது நேரடியாக களத்தில் இருந்த பொழுது என்னால் கண்டுகொள்ள முடிந்தது.
தோழர். என். முருகேசன் ஒரு எழுத்தாளர் இல்லை என்றாலும் களப்போராளியாக பல ஆண்டுகள் பணியாற்றியிருக்கிறார். எனவே, தான் இருந்த பகுதியில் நடைபெற்ற இந்த வகுப்புவாத தாக்குதலை அவருக்குரிய அனுபவத்தோடு பகிர்ந்துள்ளார்.
இந்தப் புத்தகத்தை இந்த ஆண்டு வெளியிடுவதற்காக முயற்சி செய்த பொழுது இந்துத்துவாவாதிகள் காவல்துறையில் புகார் கொடுத்து வெளியிடக் கூடாது என்று தடுத்தனர். காவல்துறை புத்தகத்தின் நகலை கேட்டது அது காவல்துறை இல்லை என்று மறுத்து விட்டனர். தொடர்ந்து புத்தகத்தை வெளியிடுவதற்கான முயற்சிகள் செய்த பொழுதெல்லாம் இந்துத்துவாவாதிகள் அதை தடுத்து பிரச்சாரம் செய்தார்கள். இறுதியாக இந்த நூல் மார்த்தாண்டத்தில் இந்துத்துவவாதிகளின் பெரும் எதிர்பிரச்சாரத்துடன் நடந்தது. இதனால் வெளியீட்டு அன்றே ஆயிரம் பிரதிகள் விற்பனையாகி முடிந்தது என்றால் அந்த பெருமை இந்துத்துவா வினரையே சேரும்.
பாலபிரஜாபதி அடிகளார் வாழ்த்துச் செய்தி. சாகித்திய அகடமி விருது பெற்ற பொன்னிலன் அவர்களின் அணிந்துரையுடன் புத்தகம் வெளிவந்துள்ளது.
வாங்கி வாசிக்கப்பட வேண்டியது.
புத்தகம் பெறுவதற்கு தொடர்பு கொள்ள வேண்டிய
அலைபேசி எண் 9443791070
விலை ரூ 50/
தொழிற்சங்கவாதிகள் மட்டும் இல்லாமல் ஐடி துறை, இதழியல் துறை, பயோடெக்னாலஜி என இன்றைய அறிவியல் தொழில்நுட்ப வளர்ச்சியில் உருவாகியுள்ள எந்த துறைகளில் எல்லாம் இளைஞர்கள் பணியாற்றுகிறார்களோ அவர்களெல்லாம் படித்து தெரிந்து கொள்ள வேண்டிய மிக முக்கியமான கையேடு இந்த புத்தகம்.
எழுத்தாளர் அ.பாக்கியம் அவர்கள் எழுதியுள்ள வேலை நாள் எனும் புத்தகம். அவர் எழுதிய புத்தகங்களிலேயே சிறந்த ஒன்று என கூறலாம்.
வேலை நாள் என்றால் என்ன?
இந்த கேள்விக்கு பொதுவாக எத்தனை நாட்கள் ஒரு வாரத்தில் வேலை செய்கிறோம் என்று நாம் பதில் கூறுவோம் .ஐடி தொழிலாளி என்றால் திங்கள் முதல் வெள்ளி வரை என்றோ அரசு ஊழியர்கள், ஆசிரியர்கள் ,என்றால் அவர்கள் வேலை செய்ய கூடிய நாட்களை குறிப்பிடுவார்கள்.. தூய்மை காவலர்கள் உள்ளிட்ட தொழிலாளர்கள் எங்களுக்கெல்லாம் நாளும் கிழமையும் கூலியும் கிடையாது கூப்பிட்டவுடன் ஓட வேண்டும் என்று கூறுவார்கள்.
இங்கு வேலை நாள் என்பது வேலை நேரம் தான். இந்த வேலை நேரம் தான் ஒரு தொழிலாளியின் வாழ்வையும் முதலாளியின் மூலதன குவிப்பிற்கும் பாதை போட்டு தருகிறது .
இதை முறையாக கையாளும் போது தொழிலாளிக்கு பாதிப்புகளை பெருமளவு நம்மால் குறைக்க முடியும் அதுவே கையாலும் சக்தி முதலாளியிடம் செல்லும்போது தொழிலாளி வர்க்கத்தையே நாசம் செய்து விடுகிறது.
இந்த வேலை நாளுக்குள் தான் வேலை முறையும் வேலை செய்யக்கூடிய சூழலின் ஆரோக்கியம் என அனைத்தும் அடங்கி இருக்கிறது.
பொதுவாகவே சுரண்டலை புரிந்து கொள்ள இந்த வேலை நேரத்தை புரிந்துகொள்ள வேண்டும் எனவே மார்க்ஸ் ஏங்கெல்ஸ் எழுத்துக்களையும் மூலதனத்தையும் நாடுகிறோம்.
உலக தத்துவவாதிகள் இந்த உலகம் எப்படி இயங்குகிறது என்று பேசிக் கொண்டிருந்தபோது உலகம் எப்படி பட்டதாக மாற வேண்டும் என்று எழுதிய மார்க்ஸ் தனது மூலதனத்தில் முதலாளிகளின் ஆதிக்கத்திற்கு அடிப்படையாக இருக்கக் கூடிய இந்த வேலை நாளையும் (நேரத்தை) உபரி மதிப்பையும் மிகத் தெளிவாக பகுப்பாய்வு செய்து இந்த உலகின் கண் முன்னே கொடுத்துள்ளார்.
இயல்பில் அந்தப் புத்தகத்தை நேரடியாக புரிந்து கொள்வது மிக கடினமான ஒன்றுதான் அதற்கு கூட்டு வாசிப்பு அவசியம். அதற்கு முன்னதாக சில புத்தகங்களை நம் வாசித்து சில அடிப்படைகளை புரிந்து கொண்டு அதன் பிறகு முழுதனத்திற்குள் செல்வது எளிமையாக இருக்கும்.
ஆனால் புதிதாக சில அடிப்படைகள் தெரிந்து கொண்டவர்கள் தொழிலாளர்களை இந்த முதலாளிகள் எப்படி சுரண்டு கொழுத்து போகிறார்கள் என்பதை அறிந்து கொள்ளவும், தொழிலாளர்கள் மீதான சுரண்டல் அதற்கு எதிரான போராட்டங்கள் வேலை நேரம் குறைப்பின் வரலாறு சட்ட பாதுகாப்புக்கான முதல் அடி இப்படியெல்லாம் சட்டங்கள் பரிணமித்து வந்தன இந்தியாவின் நிலை என்ன? இந்தியாவில் தொழிலாளர் சட்டங்களுக்கு நீர்ந்துள்ள கதி என்ன? நவீன தாராளமயம் மற்றும் இன்றைய சூழலிலா இந்தியா என வரிசையாக புரிந்து கொள்ள எழுத்தாளர் அ.பாக்கியம் அவர்களின் இந்த வேலை நாள் புத்தகம் நன்றாக கை கொடுக்கிறது.
எட்டு மணி நேர வேலை குறித்தான வரலாற்றை அறிந்து கொள்ள நிறைய புத்தகங்கள் உள்ளன. ஆனால் வேலை நாளுக்கு பின்னே உள்ள வரலாற்றை வரலாற்றுப் பொருள் முதல்வாத அடிப்படையில் நாம் புரிந்து கொள்வதற்கான புத்தகங்கள் மிக மிக குறைவுதான். இந்தக் குறையை எழுத்தாளர் அ.பாக்கியம் அவர்களின் இந்த புத்தகம் நிவர்த்தி செய்யும் இடத்தில் இருக்கும் என்று நம்புகிறோம்.
ஏனென்றால் இந்த வேலை நாள் குறித்த வரலாற்றில் குழந்தை தொழிலாளர்கள் மீதான மனசாட்சியே இல்லாத கொடூரமான சுரண்டல் நிலை துவங்கி, வேலை நேரத்திற்கான உரிமை கேட்ட போராட்டங்களின் வரலாறு, தொழிலாளர் உரிமைக்கான சட்டங்கள் கொண்டுவரப்பட்ட வரலாற்று தகவல்கள் இந்திய முதலாளிகள் பிரிட்டிஷ் முதலாளிகள் உடைய எவ்வாறு கொடூரமாக இருந்தார்கள் என அனைத்தையும் எளிமையாகவும் வேகமாகவும் வாசித்துக் கொள்ளக்கூடிய 150 பக்கத்தில் கொடுத்திருப்பது சாதாரண விஷயம் அல்ல.
இந்தப் புத்தகத்தை ஆழ்ந்து புரிந்து கொள்வதற்கு முதல் அத்தியாயம் மிக அவசியமான ஒன்று. நீங்கள் அடுத்தடுத்த அத்தியாயம் செல்லும் போது முதல் அத்தியாயத்தை மீண்டும் மீண்டும் ஒரு பார்வை பார்க்கும் வகையில் இருக்கும். இது வரவேற்க தகுந்தது.
குழந்தை தொழிலாளர் மீதான சுண்டல் குறித்து வரலாற்றுத் தகவல்களை படிக்கும்போது எந்த ஒரு மனிதனுக்கும் நெஞ்சம் குமுறி விடும். சிமினியை சுத்தம் செய்வதற்கு நான்கு வயது குழந்தைகளை பயன்படுத்திய கொடுமை இந்த முதலாளித்துவத்தின் அகோரத்தை கண்முன்னே காட்டுகிறது. தமிழ்நாட்டின் கீழ் தஞ்சையில் எப்படி நம் குழந்தைகள் மாடுகளை மேய்க்கவும் பண்ணை அடிமையாகவும் இருந்தாரோ அதுபோன்ற உலகம் முழுவதும் இந்த முதலாளித்துவ சமுதாயத்தில் நில உடமை சமுதாயத்தில் நிலவியுள்ளது.
for link :
வேலை நாள் - புத்தக அறிமுகம் - Tamil Marx
tamilmarx.org/2023/11/20/%E0…
Bakkiam
#article
#tamilmarx #workers #labourer
இந்தியாவில் நகர்மய அவதாரங்கள் அ.பாக்கியம்
முதல் பதிப்பு ஜனவரி 2018வெளியீடு : பாரதி புத்தகாலயம்
1980ம் ஆண்டுகள் வரை திட்டமிட்ட பொருளாதாரக் கொள்கைகள் கடைபிடிக்கப்பட்டன. திட்டமிட்ட பொருளாதார கொள்கையின் அடிப்படை நோக்கமே சமச்சீரான பொருளாதார வளர்ச்சியை ஏற்படுத்துவதாகும். பின்தங்கிய பிரதேசங்களுக்கு தனி கவனம் செலுத்தி வளர்ச்சியை ஏற்படுத்துவது, மக்களிடையேயான ஏற்றத்தாழ்வுகளை குறைப்பது என்பதுதான் திட்டமிட்ட பொருளாதார கொள்கையின் அடிப்படையாக இருந்தது. இவை முழுமையாக அமலாக்கப்பட்டதா என்பதில் மாறுபட்ட கருத்துக்கள் இருக்கலாம். ஆனால், சந்தை இந்த திட்டமிட்ட பொருளாதாரத்திற்கு உட்பட்டதாக இருந்தது. நாடு முழுவதும் சமச்சீரான வளர்ச்சியை இலக்காக கொண்டிருந்தது. ஏற்றத்தாழ்வான வளர்ச்சி பாதகமான விளைவுகளை ஏற்படுத்தும் என்ற கருத்தோட்டம் மேலோங்கி இருந்ததால் ஓரளவு அடித்தட்டு மக்களின் வாழ்க்கையும் கவனத்திற்கு உள்ளாக்கப்பட்டது.
1990ம் ஆண்டுகளில் நரசிம்மராவ் தலைமையிலான மத்திய காங்கிரஸ் ஆட்சியில் மன்மோகன்சிங் நிதியமைச்சராக இருந்தார். உலக வங்கியின் கட்டளைக்கு ஏற்றபடி தீவிர சீர்திருத்தங்களை அமலாக்கினார். 1990ம் ஆண்டுகளில் இந்தியாவின் மொத்த உள்நாட்டு வளர்ச்சி விகிதம் 6 சதவீதமாக இருந்தது. இக்காலத்தில் தீவிர நகர்மயமாக்கல் மொத்த உள்நாட்டு உற்பத்தியை அதிகப்படுத்தியது. 10வது ஐந்தாண்டு திட்ட காலத்தில் (2002- 2007) மொத்த உள்நாட்டு உற்பத்தி 8.5 சதவீதமாக உயர்ந்தது. இதே போன்று 11வது ஐந்தாடு திட்டத்தில் (2007 2012) மொத்த உள்நாட்டு உற்பத்தி 9 சதவீதமாக உயர்ந்தது. இக்காலத்தில் தேசிய உள்நாட்டு உற்பத்தியில் பெருநகரங்களின் பங்கு 62 சதவீதமாக இருந்தது. நகரத்தின் வளர்ச்சியே நாட்டின் வளர்ச்சி என்ற முழக்கத்தை முன்வைத்தார்கள். நகர்மயம்தான் மத்திய அரசின் திட்டத்தில் முக்கிய இலக்காக மாறியது. 2005 -ம் ஆண்டு டிசம்பர் மாதம் 3ம்தேதி ஜவஹர்லால் நேரு தேசிய நகர்புற புனரமைப்பு திட்டம் துவக்கி வைக்கப்பட்டது. 2012-ம் ஆண்டிற்குள் இந்த திட்டத்தை நிறைவேற்றிட கால அவகாசம் நிர்ணயிக்கப்பட்டது. இத்திட்டத்தின்முன்னுரையில் நகரங்கள்தான் பொருளாதார வளர்ச்சியின் விசை (நபேநேள டிக நஉடிடிஅஉ பசடிறவா) என்று குறிப்பிடப்பட்டது. இந்த நகர்மய திட்டத்தை வேகப்படுத்தி உள்நாட்டு உற்பத்தியை 10 சதவீதமாக அடைந்திட வேண்டுமென்று இலக்கை நிர்ணயித்தார்கள். இந்த நகர்மய திட்டத்திற்கு ஏற்ற வகையில் 12வது ஐந்தாண்டு திட்டத்தை (2012-2017) உருவாக் கினார்கள். இத்திட்டத்தில் நகர்மய விரிவாக்கம் மற்றும் அதன் தேவைகளை சவாலாக எதிர்கொண்டு நிறைவேற்ற வேண்டும் என்று வரையறை செய்தனர்.
சீர்திருத்தமா? மாற்றமா?
அ.பாக்கியம்
முதல் பதிப்பு ஜனவரி 2018
வெளியீடு : பாரதி புத்தகாலயம்
நாம் வாழும் சமூகம் வர்க்க பேதங்கள் நிறைந்த சமூகமாகும். உழைப்பாளி மக்களிடம் இருக்கிற இந்த வர்க்க வேறுபாடுகளை பயன்படுத்தி கொண்டு பெருமுதலாளி வர்க்கம் சுரண்டல் அமைப்பை தீவிரப்படுத்திக் கொள்கிறது. பொருளாதார சுரண்டலை பாதுகாப்பதற்கு சமூக ஒடுக்குமுறைகளை பயன்படுத்தி கொள்கிறது. முதலாளி என்ற முறையில் அவர் மூலதனத்தின் அவதாரமே. அவரது ஆன்மா மூலதனத்தின் ஆன்மாவே என்று காரல் மார்க்ஸ் தனது மூலதன நூலில் சுரண்டப்படும் ஒரு தொழிலாளியின் நிலையிலிருந்து இந்த கருத்தை முன்வைப்பார். முதலாளித்துவம் நெருக்கடிகளை சந்திக்கிறபோதும், தனது லாப வேட்டை சுருங்குகிற போதும் புதிய புதிய முறையில் தன்னை நிலைநிறுத்திக் கொள்ள முயற்சி செய்யும். தொழில்களை நவீனமயமாக்குவது, குறைந்த கூலிக்கு உழைப்பு சக்தியை தேடுவது, சட்டப் பாதுகாப்பற்ற தொழிலாளர் கூட்டம், கட்டுப்பாடற்ற சந்தை, நிலம் என அனைத்து வகையிலும் இந்த முயற்சிகள் இருக்கும் என்பதை வரலாறு நிரூபித்துள்ளது.
தற்போது மூலதனத்தை சுதந்திரமாக கொண்டு செல்வதற்கும், தொழில் ஆரம்பிப்பதற்கும் குறைந்த கூலிக்கு உழைப்பு சக்தியை பெறுவதற்கும் நிலம், நீர், மின்சாரம், சந்தை, போக்குவரத்து என அனைத்தும் குறிப்பிட்ட எல்லைக்குள் அமைத்துக் கொண்டு குறைவான முதலீடு, அதிகமான லாபம் என்ற கொள்கைக்கு ஏற்ற இடமாக பெருநகரங்களை உருவாக்குகின்றனர். இதற்காக உலக வங்கி உட்பட சர்வதேச நிதி மூலதன அமைப்புகள் கட்டமைப்பு - சீரமைப்பு (ளவசரஉவரசயட யனதரளவஅநவே) என்ற திட்டத்தை உருவாக்கி 98 நாடுகள் மீது திணித்து அமலாக்கின. இதன் அடிப்படை நோக்கமே தேசிய அரசுகளின் பலத்தை குறைத்து, நிதி மூலதனத்தின் மீது அதற்குள்ள கட்டுப்பாடுகளை நீக்கி, பெரும் நகரங்களை சர்வதேச மூலதனத்துடன் இணைப்பதாகும். சேமநல அரசு (றுநடகயசந ளுவயவந) என்பதை தகர்த்து, பெருமுதலாளிகளுக்கு ஆதரவாகவும் அவர்களின் வணிக இழப்புகளை அரசு ஈடுகட்டுவதாகவும், அவர்களின் தொழில் வளர்ச்சிக்கு அரசு முழுமையாக உதவி செய்யக்கூடிய வகையிலும் அரசின் தன்மைகளை மாற்றியமைத்தனர்.
இதன் விளைவு மூலதன ஈர்ப்பை பெறுவதற்கு பெரு நகரங்களிடையே போட்டிகள் உருவாக்கப்பட்டன. நகரங்கள் மூலதன குவியல்களின் மையமாக (சுநபஅநள டிக யஉஉரஅரடயவடி) மாறியது. இந்த மாற்றங்கள் பற்றி பொருளாதார அறிஞர் டேவிட் ஹார்வி 1989-லும் 2005லும் தனது ஆய்வின் அடிப்படையில் கீழ்கண்ட கருத்துக்களை பதிவு செய்துள்ளார். நவீன தாராளமயம் மூலதன திரட்சி, சுதந்திர சந்தை உருவாக்கதிற்கு வழிவகுத்தது. நிதி சந்தையின் கட்டுப்பாடுகளை தளர்த்தியது. வர்த்தக கட்டுப்பாடுகளை நீக்கியது. இதனால் உலகின் பல பகுதிகளில் பொருளதார கட்டமைப்பில் சிறிய மற்றும் பெரிய மாற்றங்கள் ஏற்பட்டன. இந்த மாற்றங்களால் நிதி மூலதன நடமாட்டத்தில் தேசிய அரசுகளின் கட்டுப்பாடு குறைந்தது. நகரங்கள் சர்வதேச மூலதனத்துடன் இணைக்கப்பட்டன. மூலதனத்தை ஈர்க்கும் போட்டிக்கு நகரங்கள் தள்ளப்பட்டன. குறைந்த செலவு அதிக லாபம் என்ற முறையில் மூலதனங்கள் நகரங்களை நோக்கி குவிந்தது என்று விவரித்துள்ளார். இந்த பின்னணியில்தான் நிலம், மின்சாரம், தண்ணீர், வரிச்சலுகைகள் என அனைத்தும் பெருநகரங்களில் மையப்பகுதிகளில் அதன் சுற்றுவட்டாரத்திலும் அரசுகளால் வாரிவழங்கப்பட்டன. நகரங்கள்தான் ஒரு நாட்டின் வளர்ச்சிக்கு அடையாளமாக முன்னிறுத்தப்பட்டது. நகரத்தை மறுகட்டமைப்பு செய்ய வேண்டிய தேவை ஆளும் வர்க்கத்திற்கும், நவீன தாராளமயக் கொள்கைக்கும் அவசியமாக இருந்தது. இதற்கு அவர்கள் நகர்மய சீர்திருத்தம் (ரசயெ சநகடிசஅள) என்று பெயரிட்டார்கள். உண்மையில் அது சீர்திருத்தம் அல்ல நகர்மய மாற்றம் (ரசயெ உயபேந). அதுதான் நடைபெறுகிறது. அதாவது தங்களது லாபவேட்டைக்கு ஏற்ற வகையில் மாற்றி அமைப்பதாகும்.
அ.பாக்கியம்
முதல் பதிப்பு ஜனவரி 2018
வெளியீடு : பாரதி புத்தகாலயம்
வன்முறை பற்றிய நமது பொது புத்தியின் புரிதல் மேலோட்டமானது. தனி நபர் கொலைகள், கூட்டு வன்முறை, கலவரங்கள், தீவைப்பு, பொருட்சேதம், உயிர்சேதம் என வன்முறையின் விளைவுகளிலிருந்து மட்டும் வன்முறை பற்றிய கருத்துக்கள் கட்டமைக்கப்பபட்டுள்ளது. ஒரு வர்க்க சமூகத்தின் பொருளியல் உற்பத்தியின் அடிப்படையிலிருந்து சட்டங்களும், ஒழுக்க நியதிகளும் உருவாக்கப்படுகின்றன. வன்முறை பற்றிய பார்வைகளும் இதற்கு உட்பட்டதாகவே இருக்கிறது. இதுநாள் வரை பெண்கள் மீதான வன்முறை ஆணாதிக்கப் பார்வையிலிருந்து நியாயப்படுத்தப்பட்டது. சாதிய, மதவெறி கட்டமைப்பில் இன்றும்கூட பெண்கள் மீதான வன்முறை எழுதப்படாத சட்டமாக நியாயப்படுத்தப்படுகிறது. எனினும் நவீன காலத்தில் பெண்கள் மீதான தாக்குதல்கள் அனைத்தும் வன்முறை என்ற பார்வை மேலோங்கியுள்ளது. இந்த வகையில் வன்முறை பற்றிய பொது புத்தி கூர்மையடைந்து வருகிறது. வன்முறை பற்றிய விசாலமான பார்வையும், அதுகுறித்த விழிப்புணர்வும் தேவைப்படுகிறது.
வன்முறையின் பல வடிவங்களை பற்றிய ஆய்வுகளை பல சர்வதேச அமைப்புகள் வரையறை செய்துள்ளன. ஒரு குறிப்பிட்ட நோக்கத்துடன் ஆள் பலத்தையும், அதிகார பலத்தையும் பயன்படுத்தி ஒரு நபருக்கோ அல்லது மற்றொரு நபருக்கோ, ஒரு குழுவிற்கோ, ஒரு சமூகத்திற்கோ காயம், மரணம், பொருட்சேதம், உயிர்சேதம் ஏற்படுத்துதல் மற்றும் பயமுறுத்தல், இருத்தலுக்கெதிரான அச்சுறுத்தல் வன்முறையாகும் என்று உலக சுகாதார நிறுவனம் வரையறுத்துள்ளது. 2014-ம் ஆண்டு உலக சுகாதார நிறுவனம் 133 நாடுகளில் வன்முறைகளை பற்றி ஆய்வு செய்து கொடுத்த அறிக்கையில் வன்முறை பற்றிய விரிவான விவரங்கள் உள்ளன. இவற்றில் தனிநபர் வன்முறை, கூட்டு வன்முறை, சுய வன்முறை (தற்கொலை) என வன்முறையின் பல வடிவங்கள் பற்றி ஆய்வு செய்யப்பட்டுள்ளன. இவற்றில் அதிகாரத்தை பயன்படுத்திய (ரளந டிக யீடிறநச) வன்முறைதான் உலகில் அதிகமாகவும், பரவலாகவும் நடைபெற்று வருகிறது என்ற விவரங்களும் வெளிப்பட்டுள்ளன.
யுத்தம், எல்லை விரிவாக்கம், ஜனநாயக உரிமைகளை பறிப்பதற்கான அடக்குமுறை, தனிநபர் சுதந்திரத்தில் தலையிடுவது, அடிப்படை உரிமைகளை மீறுவது என இந்த அதிகார வன்முறை பல வடிவங்களில் நிகழ்த்தப்படுகிறது. நவீன தாராளமய கொள்கைகள் உலகின் நியதிகளாக மாற்றப்படுகிற இக்காலத்தில் குடியிருப்புகளை அகற்றுவதில் அதிகார வன்முறை அதிகளவிற்கு பயன்படுத்தப்பட்டுள்ளது. உலகம் முழுவதும் இவை பரவலாக நடைபெறுகிறது. அமெரிக்காவில் எல்லை விரிவாக்கத்திற்காக செவ்வந்தியர்கள் மீது நடத்தப்பட்ட படுகொலைகள் அதிகாரத்தை பயன்படுத்திய வன்முறை ஆகும். அதுமட்டுமல்ல, வளர்ச்சி என்ற பெயரிலும், நாகரீக மனிதர்களுக்கும், நாகரீகமற்றவர்களுக்குமான யுத்தம் என்ற கருத்தை முன்வைத்து நிகழ்த்தப்பட்ட வன்முறை ஆகும். இந்தியாவில் மிகப்பெரிய அளவிற்கு இந்த அதிகார வன்முறை பிரயோகிக்கப்படுகிறது. இந்த அதிகார வன்முறையின் ஊடாகத்தான் இந்தியாவில் நகர்மயமாக்கலின் விளைவுகளை காணவேண்டியுள்ளது. நகர்மய விரிவாக்கத்தில் குடிசைபகுதி மக்கள், நகர்புற ஏழைகள், நடுத்தர வர்க்கத்தினர் மற்றும் ஆவணமற்ற குடியிருப்புவாசிகள் ஈவிரக்கமற்ற முறையில் நகரைவிட்டு வெளியேற்றப்படுகின்றனர். இந்த வன்முறை,
"வளர்ச்சி" என்ற முகமூடி அணிந்து நடத்தப்படுவதால் நமது பொது புத்தியில் இது வன்முறையல்ல என்ற கருத்து வலுவாக பதியப்படுகிறது.
வளர்ச்சி என்பது அவசியமானது ; தவிர்க்க முடியாததும்கூட. அந்த வளர்ச்சி யாருக்கானது? என்பதுதான் முக்கியமான கேள்வி. நகர்மயமாக்கல் சகாப்தத்தில் இடப்பெயர்வும், வெளியேற்றமும் பெருமளவில் நடைபெறுவதை வளர்ச்சியின் அடையாளம் என்று எடுத்துக் கொள்ள முடியாது. நகர்மயமாக்கல் என்பது அடிப்படை கட்டுமானத்தை மேம்படுத்துவதும் நகர்புற மக்களின் சுகாதார வாழ்விட வசதிகளை மேம்படுத்துவதுமாகும். ஆனால், நவீன தாராளமய கொள்கைகளில் நகர்புறத்தில் குடியிருக்கிற 30 சதத்திற்கு மேற்பட்ட நகர்புற ஏழைகள் மற்றும் வருமானம் குறைவான தொழிலாளர்கள், நடுத்தர பகுதியினர் என 60 சதத்திற்கு மேல் உள்ளவர்களை புறக்கணித்துவிட்டு, புறநகருக்கு விரட்டிவிட்டு வளர்ச்சி என்று சொல்வதை எப்படி ஏற்றுக்கொள்ள முடியும்? வசதி படைத்த ஒரு சிறு பகுதியினரின் வாழ்க்கைக்கு ஏற்ற முறையிலும் பன்னாட்டு உள்நாட்டு பெரு முதலாளிகள் குறைந்த கூலிக்கு சுரண்டல் களத்தை உருவாக்குவதற்கு ஏற்ற வகையிலும் நகர்மயம் மாற்றியமைக்கப்படுகிறது. மேற்கண்ட மாற்றங்களை சென்னை நகரில் பட்டவர்த்தனமாக பார்க்க முடியும்.
அ.பாக்கியம் காரல் மார்க்ஸ் , ஃபிரெட்ரிக் ஏங்கல்ஸ் இருவரும் மனித சமூகத்தின் வரலாற்று வளர்ச்சிகளைப் பற்றி ஆய்வு செய்தனர். அந்த ஆய்வின் மூல...
