போதை பழக்கம்: இந்தியா வல்லரசாக மாறுகிறது.

 

இந்தியாவில் எது வளர்கிறதோ இல்லையோ சமீப ஆண்டுகளில் போதைப் பழக்கத்திற்கு ஆட்படக்கூடியவர்களின் எண்ணிக்கை பல மடங்கு கிடுகிடு என உயர்கிறது. ஆட்சியாளர்கள் கூறுவது போல் எதில் வல்லரசு ஆகிறோமோ இல்லையோ இதில் வல்லரசாக மாறும் என்று தெரிகிறது.?
உலக சுகாதார நிறுவனம் மதுவினால் இந்தியாவில் ஏற்படக்கூடிய உயிரிழப்புகளை பற்றிய ஒரு அறிக்கையை வெளியிட்டுள்ளது.

இந்தியாவில் ஒரு லட்சம் பேருக்கு 38.5 பேர் போதை பழக்கத்தால் உயிர் இழக்கின்றனர். இதில் ஆண் பெண் என இரு பாலரும் அடங்கும். இதில் ஆண்கள் மரணம் 63.0, பெண்களின் மரணம் 13.5 என்ற அளவில் உள்ளது.

அடுத்த ஆறு ஆண்டுகளில் (NDA 3.0)இந்தியாவில் தனிநபர் மது அருந்தும் எண்ணிக்கை கடுமையாக உயரும் என்று உலக சுகாதார நிறுவனம் தெரிவித்துள்ளது.

உலக அளவில் உள்ள மது பழக்கத்தை பற்றி தெரிவிக்கிற பொழுது இந்தியாவின் 31% பேர் குடிகாரர்களாக இருக்கிறார்கள் இதில் ஆண்கள் 40.9 பெண்கள் 20.8 என்ற அளவில் உள்ளனர்.

இந்தியாவைப் பற்றி மற்றொரு அபாயகரமான அறிகுறியை உலக சுகாதார நிறுவன அறிக்கை வெளிப்படுத்தி உள்ளது.15-19 வயதுக்கு உட்பட்ட இளைஞர்கள் மத்தியில் போதை பழக்கம் மிகத் தீவிரமாக அதிகரித்து வருகிறது. தற்போது 7.1 என்ற அளவில் உள்ளது. குறிப்பாக இதில் 5.9 சதவீதம் இளைஞர்கள் தினசரி குடிகாரர்களாக மாறி இருக்கிறார்கள். அதே வயதிற்குட்பட்ட தற்போதைய குடிகாரர்களில், 13.9 சதவீதம் பேர் ஆண்கள், 11.4 சதவீதம் பேர் பெண்கள். 


தேசிய குடும்ப நல ஆய்வு -5 இரண்டு ஆண்டுகளுக்கு முன்பு நடத்தப்பட்ட பொழுது இருந்ததை விட குடிப்பழக்கம் பல மடங்கு15-19 இளைஞர்களிடம் அதிகமாகி உள்ளது என்று உலக சுகாதார நிறுவனம் 6 லட்சம் குடும்பங்களின் தரவுகளை ஆய்வு செய்து வெளியிட்டுள்ளது.

2019 ஆம் ஆண்டு இந்தியாவில் தனிநபர் மதுபான நுகர்வு 4.9. லிட்டர் ஆக இருந்தது. இது 2030க்குள் 6.7  லிட்டராக உயரும் என்று மதிப்பீடு செய்யப்பட்டுள்ளது.

உலகளாவிய தனிநபர் நுகர்வு 5.5 லிட்டராக உள்ளது, ஐரோப்பிய பிராந்தியம் 9.2 லிட்டராக முதலிடத்தில் உள்ளது, அதைத் தொடர்ந்து அமெரிக்காஸ் 7.5 லிட்டர் என இரண்டாவது இடத்தில் உள்ளது.

அ.பாக்கியம்.
https://www.deccanherald.com/india/indias-alcohol-deaths-are-higher-than-china-per-capita-consumption-is-set-to-rise-who-3080652